पालुङटार नगरपालिकाद्धारा उपभोक्ता समितिलाई अभिमुखीकरण तालिम दिदै

मङ्सिर १६ गोरखा(पालुङटार) पालुङटार नगरपालिकाले नगरपालिका भित्र का वडाहरुमा  उपभोक्ता समितिलाई अभिमुखीकरण तालिम दिन सुरु गरेको छ  ।               नगरपालिकाले चालु आर्थिक बर्ष २०७९ /०८० मा वडा भित्र सञ्चालन हुने बिकासका योजनाहरुको प्रभावकारी कार्यान्व्यनका लागी उपभोक्ता समितिका समितिका पदाधिकारीलाई अभिमुखीकरण तालिम प्रदान गरेको नगर प्रमुख बिबस चिन्तनले जानकारी दिए ।

अभिमुखीकरण तालिममा योजना सम्झौतादेखि भुक्तानी प्रक्रियासम्म उपभोक्ता समितिका पदाधिकारीहरुलाई जानकारी गराइएको हो । “चालु आर्थिक बर्षका योजनाहरुलाई समयमा सम्झौता गरेर समयमा नै निर्माण सम्पन्न गर्ने योजना नगरपालिकाको छ,उनले भने , “योजनाको पूर्ण कार्यान्वयन, पारर्दशिता तथा मापदण्ड अनुसारको काम गराउनका लागी पनि यस्ता खालका अभिमुखीकरण तालिम दिनु आबश्यक छ ।”