दैलेखमा बस दुर्घटना हुँदा सात जना घाइते, ट्रकलाई साइड दिन लाग्दा सडकबाट तल खस्याे

कर्णाली प्रदेश ०२०००१ ख ०१६६ नम्बरको गाडी पालेतडामा दुर्घटना हुँदा सात जना यात्रु घाइते भएका जिल्ला प्रहरी कार्यालय दैलेखका प्रहरी नायब उपरीक्षक (डीएसपी) भुवनेश्वर साहले जानकारी दिनुभयो । घाइतेहरूकाे पालेतडाकाे निजी मेडिकलमा उपचार भइरहेको उहाँले बताउनुभयाे । घाइतेमध्ये दुई जनालाई थप उपचारका लागि सुर्खेत पठाउने तयारी भइरहेकाे छ ।

विपरीत दिशाबाट आउँदै गरेकाे ट्रकलाई साइड दिन लाग्दा बस सडकबाट खसेकाे प्रहरीले जनाएकाे छ । बस सडकबाट खसेर कर्णाली नदीकाे किनारमा अड्किएकाे छ ।