नेपालीमहेन्द्रपुलको रेलिङमा कार ठोक्कियो, चालक र २ पैदलयात्री घाइते
पालुङटार न्यूज - २९ माघ २०७९, आईतवार १६:०९
पोखरा, २९ माघ,
पोखराको महेन्द्रपुलमा आइतबार दिउँसो कार दुर्घटना भएको छ । दुर्घटनामा कारचालक सहित २ जना पैदलयात्रु घाइते भएका छन् ।
दिउँसो पौने २ बजेतिर बा १३ च २६६२ नम्बरको निजीकार पार्किङबाट ब्याक गरेर निकाल्नेक्रममा एक्कासि महेन्द्रपुलको दक्षिणतर्पmको रेलिङमा ठोक्किन पुगेको हो । कारको अगाडि भागले रेलिङ भत्काए पनि नदीमा खस्नबाट भने जोगिएको छ ।
दुर्घटनामा कार चालक तनहुँका डा. चन्द्रबहादुर थापा घाइते छन् । सो कारको ठक्करले २ पैदलयात्रु घाइते भएका छन् । म्याग्दीको धौलागिरि गाउँपालिकाकी वर्ष ५२ की कुलमाया बिक र उनका १८ वर्षीय छोरा विष्णु बिक घाइते छन् । उनीहरुलाई उपचारार्थ पश्चिमाञ्चल क्षेत्रीय अस्पताल लगिएको जिल्ला प्रहरी कार्यालय कास्कीले जनाएको छ । पैदलयात्री २ जनाकै अवस्था गम्भीर रहेको अस्पतालले जनाएको छ ।
क्षतिग्रस्त कारलाई क्रेन सहयोगमा बाहिर निकालिएको छ ।
यो खबर पढेर तपाईलाई कस्तो महसुस भयो ?
5%
खुसी
8%
दुःखी
11%
अचम्मित
3%
उत्साहित
7%
आक्रोशित
प्रतिक्रिया दिनुहोस्