पालुङ्टार नगरपालिकाको १४ औ नगर सभा सम्पन्न ८ करोड ३५ लाख बजेट बिनियोजन

पालुङटार नगरपालिकाको १४ औं  नगरसभा तथा आब २०८०/८१ अर्ध बार्षिक समिक्षा  कार्यक्रम सम्पन्न भएको छ ।

पालुङटार नगरपालिकाको प्रमुख विबस चिन्तन अजयको अध्यक्षतामा कार्यक्रम भएको हो । कार्यक्रममा नगरसभा सदस्य तथा नगरपालिकाका उपप्रमुख बन्दना पान्डेले चालू आर्थिक बर्ष २०८०/८१ को बजेट तथा कार्यक्रमको हालसम्मको आय ब्यय विबरण  प्रस्तुत गर्नु भएको थियो ।

आब २०८०/०८१ को पुरक बजेट कार्यक्रम तथा बिनियोजनको आय अनुसार जम्मा ८ करोड पैतिस लाख पचास हजार बिनियोजन भएको छ । जसमा खानेपानी तथा सरसफाइमा ३७ लाख, भौतिक पुर्बाधार बिकासमा ९३ लाख, आवास तथा शहरी बिकासमा एक करोड बाईस लाख , सिन्चाइमा ६७ लाख , कला सस्कृती १२ लाख शिक्षा युवा तथा खेलकुदमा २२ लाख स्वास्थ्य तर्फ ३२ लाख ८० हजार , अन्यमा ३ करोड ९० लाख बिनियोजन भएको छ ।

पालुङटार नगरपालिका नगरपालिका भित्र  वडा नम्बर ९ मा बन्दै गरेको चिस्यान केन्द्र ( कोल्ड स्टोर ) लाई प्राथमिकता दिएर १ करोड ६० लाख बिनियोजन भएको छ उक्त चिस्यान केन्द्र चैत भित्र सन्चालनमा आउने नगर प्रमुख विबस चिन्तन अजयले बताउनु भएको छ ।

आय तर्फ राजस्व  बाडफाडबाट प्राप्त हुने  अनुमानित रकम ११ करोड  २१ लाख चौरानब्बे हजार मध्य हाल सम्ममा ३ करोड त्रिचालीस लाख प्राप्त भएको र  हालसम्म अनुमानित ४ करोड ६७ लाख हुनुपर्ने देखिन्छ आउनु पर्ने रकम भन्दा करिब १ करोड २४ लाख रुपैयाँ प्राप्त हुन नसकेको अवस्था रहेको छ ।भने ब्यय तर्फ खर्च हालसम्म  ३२.४६ प्रतिशत काम सकिएको छ ।

१० वटा वडा मध्य वडा नम्बर २ ले सबै भन्दा धेरै  ४३.८३ प्रतिशत काम गरेको छ भने वडा नम्बर ८ ले ४०.२२ प्रतिशत काम गरेर दोस्रो  भएको छ ।