नेपालीगोरखा २ बाट प्रचण्डसहित १३ जना को उम्मेदवारी दर्ता ।
पालुङटार न्यूज - २४ आश्विन २०७९, सोमबार ००:१०
२४असोज, गोरखा । मंसिर ४ गते हुने प्रतिनिधि सभा निर्वाचनमा गोरखा–२ मा नेकपा माओवादी केन्द्रका अध्यक्ष पुष्पकमल दाहाल प्रचण्डसहित १३ जनाको उम्मेदवारी परेको छ । आइतबार भएको मनोनयन दर्ताको क्रममा प्रचण्डसहित १३ जनाले उम्मेदवारी दर्ता गराएका हुन् । नेकपा एमालेको तर्फबाट अब्दुस सलाम मियाको उम्मेदवारी परेको छ । राष्ट्रिय स्वतन्त्र पार्टीबाट कविन्द्र बुर्लाकोटी, राष्ट्रिय प्रजातन्त्र पार्टी नेपालबाट कुलबहादुर बस्नेत, नेपाली कांग्रेस (बी.पी.) बाट टीकादत्त पोखरेल, नेपाल मजदुर किसान पार्टीबाट प्रल्हाद लामिछाने, नेकपा मालेबाट नारायणबाबु आचार्य र राप्रपाबाट सुशील पन्तले उम्मेदवारी दर्ता गराएका छन् ।
त्यस्तै हाम्रो नेपाल पार्टीबाट प्रकाश थापा, मंगोल नेशनल अर्गनाइजेशनका सोमबहादुर गुरुङले पनि उम्मेदवारी दिएको उनले जानकारी दिए । उनका अनुसार तीन जनाले स्वतन्त्र उम्मेदवारी दिएका छन् ।
बारपाक सुलिकोट ८ का विनोदकुमार गुरुङ, पालुङटार नगरपालिका ४ का गणेश देवकोटा, काठमाडौं महानगरपालिका–३२ कि डा. माधवी भट्टले स्वतन्त्र उम्मेदवारी दिएको निर्वाचन कार्यलय गोरखा ले जानाकारी दिएको छ ।
यो खबर पढेर तपाईलाई कस्तो महसुस भयो ?
5%
खुसी
8%
दुःखी
11%
अचम्मित
3%
उत्साहित
7%
आक्रोशित
प्रतिक्रिया दिनुहोस्